काठमाडौं २५ माघ । लागूऔषध विक्रि वितरण गरेको आरोपमा बूढानीलकण्ठ नगरपालिका वडा नं.१० कपनस्थित आकाशेधाराबाट ३ जनालाई प्रहरीले पक्राउ गरेको छ ।

गोप्य रुपमा लागूऔषध ओसारपसार गर्ने गरेको जानकारी पाएपछि प्र.स.नि.दिपक रावतको कमाण्डमा खटिएको प्रहरी टोलीले पासाङ छिरिङ शेर्पालाई सडकखण्डमा शंस्कास्पद अवस्थामा फेला पारी छानबिन सुरु गरेको थियो । निजको खानतलासी गर्दा उनी बस्ने कोठामा ब्राउन सुगर जस्तो देखिने धुलो पदार्थ ६ ग्राम फेला परेको छ । सोधपुछ गर्दा पासाङले उक्त धुलो पदार्थ आफ्नो नभई साथीले राख्न दिएको भनेपछि उनको साथीको पनि खानतलासी सुरु गरिएको थियो ।

सोधपुछ गर्दा उनले तेन्जिङ शेर्पा नाम गरेका साथीबाट उक्त धुलो पदार्थ खरीद गर्ने गरेको बताए । त्यसपछि प्रहरीले खगेसको सहयोगमा तेन्जिङको कोठामा खानतलासी गर्दा उसको कोठाबाट ब्राउन सुगरजस्तो देखिने धुलो पदार्थ १६.८ ग्राम फेला परेको प्रहरीले जनाएको छ ।

लागूऔषध ओसारपसार गरेर प्रयोग गरिरहेका यी तिनैजनालाई प्रहरीले पक्राउ गरी थप अनुसन्धानको लागि हिरासतमा राखेको छ