सुर्यविनायक नगरपालिकामा कंाग्रेस अधिवेशनकाे रौनक,रबि राणाको प्यानल बिजय उन्मुख

भक्तपुर । सूर्यविनायक नगरपालिका नेपाली कांग्रेसको नगर अधिवेशनको सारगर्मी बढेको छ । आउँदो आइतबार नगरको नयाँ कार्यसमिति चयनका लागि अधिवेशन हुँदैछ । उम्मेद्वारहरुको मनोनयन दर्ता शनिबारका लागि तोकिएको छ ।
अधिवेशनमा दुई प्यानल खडा हुने निश्चित भएको छ । पार्टी सभापति शेरबहादुर देउवा र वरिष्ठ नेता रामचन्द्र पौडेल पक्षका नेताहरुले छुट्टाछुट्टै उम्मेद्वारको प्यानल घोषणा गरेका छन् ।
सभापति देउवा पक्षले निशान ढुंगेलको नेतृत्वमा प्यानल घोषणा भएको छ भने पौडेल पक्षले रबि राणाको नेतृत्वमा छुट्टै प्यानल सार्वजनिक गरिसकेको छ । यसले पनि सहमतिबाट नगरको नयाँ कार्यसमिति चयन हुने संभावना टरेको स्पष्ट भएको छ ।
नगरमा राणा नेतृत्वको प्यानल सशक्तरुपमा अगाडि आएको छ । यो प्यानलले उपसभापतिद्वयमा दिनेश न्यौपाने र महेश न्यौपाने, सचिवद्वयमा उपेन्द्र तिमलसिना र लक्ष्मण थापा र सहसचिवहरुमा रुपक न्यौपाने र राम गोतामेलाई सशक्त उम्मेद्वारको रुपमा अगाडि ल्याएका छन् ।
यो नगरमा झण्डै ३०० जना अधिवेशनका लागि प्रतिनिधि छन् । उनीहरु वडा अधिवशेनबाट छनौट भएर आएका हुन् । राणा प्यानलमा आवद्ध उम्मेद्वारहरु समाज सेवा र निष्ठाको राजनीतिमा प्रतिवद्ध रहँदै आएका इमान्दार नेताहरुको रुपमा परिचय बनाइसकेका पात्र हुन् ।
यो प्यानलबाट सदस्यमा समाजसेवी अर्जुनप्रसाद डोटेलले उम्मेद्वार घोषणा गरेका छन् । उम्मेद्वारी दर्ता शनिबार गर्दैछन् । राणाको प्यानल नगरमा बलियो र निकै अगाडि देखिएको छ । अधिकांश प्रतिनिधिहरुमाझ्मा प्यानलले राम्रो छाप छोडन सफल देखिन्छ । यो प्यानलको जितलाई कसैले रोक्न नसकिने चर्चा नगरभित्र व्यापक बनेको छ ।
कांगेसको १४औं महाधिवेशन प्रक्रियाअन्तर्गत कांग्रेसले दशैं अगाडि पालिका/नगरको अधिवेशन सम्पन्न गर्दैछ । महाधिवेशन आगामी मंसिर ९–१३ मा काठमाडौंमा गर्ने तालिका रहेको छ । महाधिवेशनमा देउवा र पौडेलले सभापतिमा उम्मेद्वार दिने पक्कापक्की जस्तै छ ।