चैत्र १४ गतेदेखि नाडा प्रिजेण्ट्स वाडा अटो शो हुने

काठमाडौं । नाडा अटोमोबाइल्स एशोसिएशन अफ नेपाल (नाडा) को सहकार्यमा ‘नाडा प्रिजेण्ट्स वाडा अटो शो २०२५’ पोखरामा आयोजना हुने भएको छ।

नेपालको अटोमोबाइल क्षेत्रलाई नयाँ उचाइमा पुऱ्याउने उद्देश्यका साथ आउँदो २०८१ सालको चैत्र १४ गतेदेखि १७ गतेसम्म पोखराको प्रदर्शनी केन्द्रमा भव्य अटो शोको आयोजना गर्न लागिएको आयोजकले जनाएको छ । यसका लागि वाडाले आजदेखि बुकिङ्ग प्रक्रिया खुल्ला गरेको हो ।

पोखरामा पहिलो पटक आयोजना हुन लागेको यस अटो शोको तयारीका लागि नाडाले काठमाडौंमा वाडा अटोमोबाइल डिलर्स एशोसिएशन (वाडा) का पदाधिकारी र सदस्यहरूसँग अन्तरक्रिया कार्यक्रम आयोजना गरेको थियो । प्रदर्शनीमा २ पाङग्रे, ३ पाङग्रे, ४ पाङग्रे, लाइट कमर्शियल, हेभि कमर्शियल, मेसिनरी इक्युप्मेन्ट्स, वित्तीय संस्था, इन्स्योरेन्स, अटो कम्पोनेन्ट्स र ग्यारेज उपकरणहरुको सहभागीता रहनेछ।

वाडाका अध्यक्ष दिपेन्द्र कोइरालाले यस शोले सवारी साधन क्षेत्रमा संलग्न उद्योगी, व्यवसायी र उपभोक्तालाई नविनतम् प्रविधिको साक्षात्कार गराउने र अर्थतन्त्रमा सकारात्मक प्रभाव पार्ने विश्वास व्यक्त गरे।

यसैक्रममा नाडाले अन्य प्रमुख सहरहरूमा पनि अटो प्रदर्शनीको आयोजना गर्ने योजना बनाएको छ।