मादक पदार्थ सेवन गरेका तामाङले गरे दुई जनाको हत्या

सिन्धुपाल्चोक २४ माघ।सिन्धुपाल्चोकको बलेफी गाउँपालिकामा एक व्यक्तिले दुई जनाको हत्या गरेका छन्। बेलेफी गाउँपालिका ७ माथिल्लो चिम्लिङ निवासी ३८ वर्षीय विजय तामाङले बासको भाटा र ढुंगाले प्रहार गरेर छिमेकी आफन्तको हत्या गरेका हुन्।

मादक पदार्थ सेवन गरेका तामाङले सोही ठाउँकी ७० वर्षीया बासु माया तामाङ र उनका भाई ५९ वर्षीय सन्तवीर तामाङको हत्या गरेका जिल्ला प्रहरी कार्यालय सिन्धुपाल्चोकका डीएसपी दक्षकुमार बस्नेतले जानकारी दिएका छन।

हत्यापछि फरार भएका तामाङलाई राति नै पक्राउ गरिएको प्रहरीले जनाएको छ। उनलाई प्रहरीले घर नजिकैको सामुदायिक वन क्षेत्रबाट पक्राउ गरेको प्रहरीले जनाएको छ।