सिन्धुपाल्चोक । नेपाली कांग्रेसबाट निर्वाचित वडाध्यक्ष बमबहादुर तामाङ नेकपा एमालेमा प्रवेश गर्नुभएको छ ।

२०७४ को स्थानीय तह चुनावमा कांग्रेसबाट बाह्रबिसे नगरपालिका-२ को वडाध्यक्षमा निर्वाचित तामाङ शनिबार नेकपा एमालेमा प्रवेश गर्नुभएको हो ।

एमाले बाह्रबिसे नगर कमिटीले आयोजना गरेको पार्टी प्रवेश कार्यक्रममा लामा एमालेमा प्रवेश गर्नुभएको हो ।
लामालाई एमाले स्थायी कमिटी सदस्य शेरबहादुर तामाङ लगायतका नेताहरुले पार्टीमा स्वागत गर्नुभएको छ ।

कांग्रेसमा व्यक्तिवाद हावी भएको र पाटीमा आफ्नो भुमिकालाई निस्तेज गरिएको भन्दै लामाले विज्ञप्तिमार्फत कांग्रेस परित्याग गरेको घोषणा गर्नुभएको थियो ।

वडा अध्यक्ष बमबहादुरको नेतृत्वमा सयौँ नेता-कार्यकर्ता एमाले प्रवेश गरेको एमाले सिन्धुपाल्चोक जिल्ला अध्यक्ष कमल नेपालले जानकारी दिनुभयो। तामाङले कांग्रेस परित्याग गरि एमाले प्रवेश गर्न लागेको समाचार यस अघि नै उर्जाशील खवरले प्रकाशित गरेको थियो।