काठमाडौँ । चीनको राजधानी बेइजिङमा ८०औँ द्वितीय विश्वयुद्धको “भिक्टरी डे” अवसरमा भव्य सैन्य परेड सम्पन्न भएको छ।
समारोहअघि राष्ट्रपति सी जिन्पिङले चीन “अरोधनीय” रहेको र धम्की दिनेहरूसँग “कहिल्यै नडराउने” उद्घोष गरेका छन्।
परेडमा रुसी राष्ट्रपति भ्लादिमिर पुटिन र उत्तर कोरियाली नेता किम जङ-अनसहित २६ देशका नेताहरू सहभागी थिए। चीनले पहिलो पटक सार्वजनिक गरेको नयाँ अस्त्रमा लेजर हतियार, पानीमुनि प्रयोग हुने ड्रोन र १२ युद्धशीर्ष बोक्न सक्ने अन्तरमहादेशीय बलिस्टिक क्षेप्यास्त्र पनि थिए।
विशेषज्ञहरूले दाबी गरेका छन् कि प्रदर्शित दोङ्फेङ-५ क्षेप्यास्त्र अमेरिका र पश्चिम युरोपसम्म प्रहार गर्न सक्ने क्षमतामा छ। परेडमा हजारौँ सैनिक सहभागी भएका थिए भने करिब ५०,००० आमन्त्रित दर्शकले अवलोकन गरेका थिए।
परेडअघि अमेरिकी राष्ट्रपति डोनल्ड ट्रम्पले चीनसँगको आफ्नो “राम्रो सम्बन्ध” उल्लेख गर्दै विश्वमञ्चमा चुनौतीको दाबी अस्वीकार गरेका छन्।
प्रतिक्रिया