आजको मौसम यस्तो छ
काठमाडौं मङ्सिर २। हाल देशको पहाडी भू-भागमा आंशिक बदली रहेको र बाँकी भू-भागको मौसम सामान्यतया सफा रहेको मौसम पूर्वानुमान महाशाखाले जनाएको छ ।
आज दिउँसो पनि देशका पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ । कोशी, बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा हल्का हिमपातको सम्भावना रहेको छ ।
यस्तै पहाडी भू-भागमा आज राति पनि आंशिक बदली रहने महाशाखाले जनाएको छ । महाशाखाका अनुसार देशका बाँकी भू-भागको मौसम सामान्यतया सफा नै रहनेछ ।
बागमती र गण्डकी प्रदेशका उच्च पहाडी तथा हिमाली भू-भागका एक-दुई स्थानमा भने राति पनि हल्का हिमपातको सम्भावना छ ।
वि.सं.२०८० मंसिर २ शनिवार १४:११
