थापा पक्षीय यी नेताले पनि त्यागे राप्रपा

काठमाडौं।कमल थापाले नयाँ पार्टी गठनको गृहकार्य गरिरहेका बेला उनी पक्षीय कतिपय नेताले राप्रपा परित्याग गरेको घोषणा गरेका छन् ।

थापाले पार्टी परित्याग गरेको घोषणा गरेको भोलिपल्ट सामाजिक संजालमार्फत राप्रपा परित्याग गरेको घोषणा गर्ने नेताहरुमा चन्द्र गुरुङ, उद्धव पौडेल, विश्वराज पौडेल, कैलाश कट्वाल, श्रीधर सुवेदीलगायतका केन्द्रीय तथा स्थानीय नेताहररु छन् ।

‘राप्रपालाई एकताबद्ध बनाउने मेरो भगिरथ प्रयास असफल भएको छ । असफल विद्यार्थीको रुपमा अत्यन्तै दुखी र भावुक छु,’ नेता उद्धव पौडेलले लेखेका छन्, ‘राप्रपामा बस्दाको पल सदैव अविष्मरणीय रहेछ । आजै देखि राप्रपासँगको संलग्नता अन्त्य गरेको छु ।’

कमल थापाले नयाँ पार्टी बनाउने तयारी गरेका छन् । बुधवार पार्टीको नामका विषयमा छलफल भएको थियो ।