back

उत्कृष्ट वर्ष विद्यार्थी २०७८ मा चौलागाईं

काठमाडौं । काठमाडौं चावहिल पिपलबोटस्थित सेन्ट लरेन्स कलेजले आज रजत जयन्ती मनाएको छ । कमलादीस्थित प्रज्ञा भवनमा २५ औं वसन्त पार गरेको उपलक्ष्यमा रजत जयन्ती मनाएको हो । कार्यक्रममा कक्षा १२ कि छात्रा सुस्मिता चौलागाईं उत्कृष्ट वर्ष विद्यार्थी २०७८ बाट सम्मानित भएकी छन। कार्यक्रम मा उत्कृष्ट प्रफोमेन्स गरेका छात्रा / छात्रहरुलाई सम्मान गरिएको थियो।

कार्यक्रमका प्रमुख अतिथि पूर्व प्रधानमन्त्री तथा नेकपा एकिकृत समाजवादीका अध्यक्ष माधवकुमार नेपालले शुभकामना दिए । ‘सेन्ट लरेन्सले २५ वर्ष पुरा गर्दै नयाँ यात्रा तय गरेको छ,’ उनले भने, ‘यो अवधिमा हासिल गरेका सफलता, असफलता, चूनौति लगायतका बारे समिक्षा गर्नुपर्छ । अनिमात्र अघिको यात्रा तय गर्न सहज हुन्छ ।’

कार्यक्रममा बोल्दै उनले आफ्नो विद्यार्थीकालको अनुभवसमेत सुनाए । ‘मैले एसएलसी दिएको ५५ वर्ष भएछ र कलेज भर्ना भएको ५४ वर्ष बितेछ । मेरो चाटर्ड अकाउन्टेन्ट बन्ने ठूलो सपना थियो तर पुरा भएन,’ उनले भने, ‘मेरो रुचि समाजसेवामा थियो त्यसैले कोर्स राजनीति तर्फ मोडियो ।’

कलेजका प्रबन्ध निर्देशक ताराप्रसाद सुवेदीले २५ वर्षसम्म कलेजले सञ्चालन गरेका कार्यक्रमलाई थप स्तरीय बनाउँदै लैजाने प्रतिवद्धता व्यक्त गरे । ‘हामीले अहिलेसम्म जे–जे गर्यौं अब त्यसलाई थप परिस्कृत बनाउनेछौं,’ उनले भने, ‘हाम्रो गहना भनेकै विद्यार्थीहरु हो उहाँहरुलाई कसरी गुणस्तरीय शिक्षा दिने भन्नेमा दिनरात खटिनेछौं ।’

प्रिन्सिपल पुरुषोत्तम श्रेष्ठको टीम वर्कमा काम गरेकाले यो सफलता हासिल गरेको पबताउँछन् । अहिले सेन्ट लरेन्सको छाताभित्र ३५०० विद्यार्थी अध्ययनरत छन् । ‘३५०० विद्यार्थी छन् भन्न पाउँदा गर्व लाग्छ,’ उनले भने, ‘यसको सफलताको सुत्र भनेकै टिम वर्क हो ।’ कार्यक्रममा भूतपूर्व विद्यार्थीहरुलाई रजत विद्यार्थीबाट सम्मानित गरिएको थियो । ‘अहिले १० जनालाईमात्र सम्मान गर्यौं अब छिट्टै २५ वर्षयताका विद्यार्थीलाई भेला पारेर सम्मान गर्छौैं,’ श्रेष्ठले योजना सुनाए ।

अध्यक्ष केशवप्रसाद दंगालले कलेजले २५ औं वर्ष पार गर्दै गर्दा विद्यार्थी, अभिभावक र शिक्षाप्रेमीले गरेको विश्वासलाई टुट्न नदिने बाचा गरे । ‘सबैको विश्वास र हाम्रा फ्याकल्टिजहरुको मेहनतले हामी नेपालकै टप कलेजको सूचीमा गनिन्छौंं,’ उनले भने, ‘हाम्रो गुणस्तरीयता र विश्वास कायम राख्न हरपल प्रयत्न गरिरहनेछौं ।’कार्यक्रममा विभिन्न संकायका उत्कृष्ट विद्यार्थी तथा शिक्षकहरुलाई सम्मान गरिएको थियो । वातावरण जोगाउने अभियानमा काम गर्दै आएको ग्रिन आर्मीलगायत कलेजमा गठिन विभिन्न क्लबका सदस्यलाई सम्मान गरिएको थियो । ग्रिन आर्मीमा यस कलेजबाट ६० जना क्याडेट आवद्ध छन् । उनीहरुलाई व्याच वितरण गरिएको थियो । यसैगरी, कलेजले रजत जयन्तीकै अवसरमा विभिन्न बिधामा उत्कृष्ट बिद्यार्थीहरुलाई सम्मान गरेको थियो।कलेजले उत्कृष्ट  वर्ष २०७८ को लागि कक्षा १२ कि छात्रा सुस्मिता चौलागाईंलाई सम्मान गरेको छ। कार्यक्रममा कक्षा ११ मा अध्ययनरत विद्यार्थीलाई स्वागत समेत गरेको थियो ।


थारु भाषा संरक्षण गर्न साझा मानक भाषा बनाउनुपर्छ: मन्त्री चौधरी

थारु भाषा संरक्षण गर्न साझा मानक भाषा बनाउनुपर्छ: मन्त्री चौधरी

वि.सं.२०८१ असार २ शनिवार १७:०१

काठमाडौँ, १ असार । महिला, बालबालिका तथा ज्येष्ठ नागरिक मन्त्री...

जनजिवीकामा प्रत्यक्ष असर पार्ने गरि कर उठाउन खोजेपछि सर्वत्र आलोचना

जनजिवीकामा प्रत्यक्ष असर पार्ने गरि कर उठाउन खोजेपछि सर्वत्र आलोचना

वि.सं.२०८१ जेठ २९ मंगलवार १९:४२

काठमाडौं । सरकारले बजेट तथा आर्थिक विधेयक २०८१/०८२मा आधारभूत आवश्यकताका...

गण्डकीका मुख्यमन्त्री पाण्डेले आज विश्वासको मत लिदै,

गण्डकीका मुख्यमन्त्री पाण्डेले आज विश्वासको मत लिदै,

वि.सं.२०८१ जेठ २८ सोमवार ०८:३९

पोखरा । सर्बोच्चको परमादेशसंगै जेठ १६ गते संबिधानको धारा १६८(३)...

३३.८ डिग्री सेल्सियस काठमाडौंको अधिकतम तापक्रम

३३.८ डिग्री सेल्सियस काठमाडौंको अधिकतम तापक्रम

वि.सं.२०८१ जेठ २८ सोमवार ०८:२७

काठमाडौं । देशका धेरै स्थानमा आज तापक्रम बढेको छ ।...

मानव बेचबिखन तथा ओसारपसार (नियन्त्रण) ऐन-२०६४ छिट्टै संशोधन गरेर कार्यान्वयन गर्छौ: मन्त्री चौधरी

मानव बेचबिखन तथा ओसारपसार (नियन्त्रण) ऐन-२०६४ छिट्टै संशोधन गरेर कार्यान्वयन गर्छौ: मन्त्री चौधरी

वि.सं.२०८१ जेठ २५ शुक्रवार १३:५९

काठमाडौँ, २५ जेठ । महिला, बालबालिका तथा ज्येष्ठ नागरिक मन्त्री...

पैतृक सम्पत्तिमा समान अधिकारबारे जानकारी नै हुन सकेको छैन: मन्त्री चौधरी

पैतृक सम्पत्तिमा समान अधिकारबारे जानकारी नै हुन सकेको छैन: मन्त्री चौधरी

वि.सं.२०८१ जेठ १९ शनिवार १२:०६

काठमाडौँ, महिला, बालबालिका तथा ज्येष्ठ नागरिक मन्त्री भगबती चौधरीले पैतृक...