सिन्धुपाल्चोक। चौतारा साँगाचोकगढी नगरपालिकाका पूर्वमेयर अमानसिं तामाङ सहित सयौ नेता तथा कार्यकर्ता हरु नेकपा माओवादी केन्द्र परित्याग गरि एमालेमा प्रवेश गर्ने भएका छन। पार्टीले जिम्मेवारी बाँडफाँटमा आफ्नो मुल्यांकन नगरेको, माओवादी केन्द्रमा परिवारवाद हावी भएको आरोप लगाउँदै तामाङले माओवादी केन्द्र परित्याग गरेका हुन्।

भोलि सोमबार एमाले पार्टी केन्द्रीय कार्यालय च्यासलमा आयोजित पार्टी प्रवेश कार्यक्रममा पाटी अध्यक्ष केपी शर्मा ओलिले तामाङ सहित सयौ नेता तथा कार्यकर्ताहरुलाई एमालेमा स्वागत गर्ने कार्यक्रम रहेको पुर्व मन्त्री एवं केन्द्रिय सदस्य सरेश नेपालले बताउनु भयो ।
पार्टी प्रवेश कार्यक्रममा नेकपा एस परित्याग गरि घर फर्क अभियान अन्तरगत एस पार्टीमा गएकाहरु पनि एमालेमा फर्कने कार्यक्रम रहेको नेता नेपालले बताए।। पार्टी प्रवेश कार्यक्रमको ब्यवस्थापन सिन्धुपाल्चोक सम्पर्क मंचले गर्ने भएको छ ।