काठमाडौं। सुनको भाउ आज आइतबार प्रतितोलामा दुई हजार रुपैयाँले बढेकाे छ । नेपाल सुनचाँदी व्यवसायी महासंघका अनुसार आइतबार छापावाल सुनको भाउ तोलामा दुई हजार रुपैयाँले बढेर १ लाख १ हजार ९०० रुपैयाँमा काराेबार भएको छ ।

यसअघि गत साताकाे अन्तिम दिन शुक्रबार छापावाल सुन तोलाको ९९ हजार ९०० रुपैयाँमा कारोबार भएको थियो । यसैगरी, आइतबार तेजावी सुनको भाउ तोलाको १ लाख १ हजार ४०० रुपैयाँ कायम गरिएकाे महासंघले जनाएकाे छ ।

चाँदीको मुल्य पनि प्रति तोलामा ३५ रुपैँयाको दरले बढेर १ हजार ४१५ रुपैयाँमा काराेबार भएकाे छ ।