काभ्रेपलान्चोक । ढुंगाखानीम पहिरो जाँदा काभ्रेमा एकजनाको घटनास्थलमै मृत्यु भएको छ ।
काभ्रेको बनेपा नगरपालिका– १४ स्थित आशापुरेश्वरमा सञ्चालित ढुङ्गा खानीमा पहिरो खस्दा १ जनाको घटनास्थलमै मृत्यु भएको र दुईजनाको घाइते अवस्थामा उद्धार भएको छ । घाइतेहरुलाई उपचारका लागि अस्पताल पठाइएको छ ।

पहिरोमा काम गरिरहेका अन्य मानिसहरु पनि पुरिएको हुन सक्ने आ शंका गरिएको छ । पहिरोले एक्स्काभेटर, टिपर समेत पुरिएको अवस्था छ । अहिलेसम्म पहिरो खसिरहेको प्रहरीले जानकारी दिएको छ ।
घटनास्थलमा नेपाल प्रहरी र नेपाली सेनाको उद्धार टोलीले उद्वार कार्य गरिरहेको हाम्रा काभ्रे सम्वादाताले जनाएका छन् ।