काठमाडौँ ९ फागुन । नेपालमा आज कोरोना भाइरसका ३ सय ८८ जना संक्रमित थपिएका छन् भने ४ जनाको संक्रमणबाट मृत्यु भएको छ । योसंगै कुल संक्रमितको संख्या ९ लाख ७५ हजार ८०६ पुगेको स्वास्थ्य तथा जनसंख्या मन्त्रालयले जनाएको छ ।

आजै १ हजार २ सय ५ जना संक्रमणमुक्त भएका छन् । हालसम्म ९ लाख ५२ हजार ५ सय ९९ जना संक्रमणमुक्त भएको स्वास्थ्य मन्त्रालयले जनाएको छ। मन्त्रालयको अनुसार पछिल्लो २४ घन्टामा ८ हजार १ सय ४० जनामा परिक्षण गरिएकोमा उक्त संख्या संक्रमण पुष्टि भएको हो ।