काभ्रे । एमाले काभ्रेको१० औँ जिल्ला अधिवेशनबाट निर्वाचित जिल्ला कमिटीका पदाधिकारी एवं सदस्यहरुले आज पदभार तथा सपथ ग्रहण लिएका छन् ।
बनेपाको उग्रचण्डी होटलमा एक कार्यक्रमको आयोजना गरी नवनिर्वाचित जिल्ला कमिटी सदस्यहरूले सपथ लिएका हुन् ।

एमाले काभ्रेको १० औं जिल्ला अधिवेशन पुस २३ गते पार्टी अध्यक्ष केपी ओलीले धुलिखेल स्थिल रंगशालामा उदघाटन गर्नुभएको थियो ।

कोरोना भाइरसको तेस्रो लहर बढे संगै स्थगित हुनगएको सपथ ग्रहण कार्यक्रम आज सम्पन्न भएको हो। अधिवेशनले अशोक कुमार ब्याञ्जु श्रेष्ठको नेतृत्वमा नयाँ जिल्ला कमिटी चयन गरेको थियो । ५ जना पदाधिकारी मध्ये अध्यक्ष श्रेष्ठ र उपसचिब रिता ढकाल बाहेक उपाध्यक्ष, सचिब र उपसचिबमा मतदान भएको थियो ।
उपाध्यक्षमा चन्द्र लामा, सचिबमा राजन भुर्तेल र उपसचिबमा राजकुमार सापकोटा निर्वाचित हुनुभएको थियो ।