एमाले महाधिवेशन: चितवनमा यस्तो छ जनसागर

चितवन १० मंसिर, । नेकपा एमालेको दशौं राष्ट्रिय महाधिवेशन आजबाट चितवनमा शुरु भएको छ।महाधिवेशनको उद्घाटन समारोह नारायणगढस्थित नारायणी नदी किनारमा गरिएको हाे। उदघाटन समारोहपछि सौराहामा आयोजना हुने बन्दसत्रले पार्टीको नयाँ नेतृत्व चयन गर्दै छ।
बिहानैदेखि नारायणगढ क्षेत्रमा कार्यकर्ताको चहलपहल छ र ठुलो भिडभाड रहेको छ। अहिले विभिन्न स्थानबाट जुलूस निकाल्ने तयारी भईरहेकाे छ। विभिन्न सात स्थानबाट निस्किने जुलूस नारायणी नदी किनारमा पुगेर उदघाटन समारोहमा परिणत भएको हाे ।
आँपटारी, हाकिमचोक, वीरेन्द्र क्याम्पस गेट, शहीदचोक, गैंडाकोट, केन्द्रीय बसपार्क, विशालचोकबाट जुलूस निकालिने एमाले प्रचार प्रसार विभाग चितवनले जानकारी दिएकाे छ ।एमाले चितवन प्रचार प्रसार विभागले दिएकाे जानकारी अनुसार मूल रुपमा केन्द्रीय बसपार्क, आँपटारी र गैंडाकोटबाट विशाल जुलूस निस्कने र पार्टीको झन्डा ब्यानरसहित लाखु लाख नेता कार्यकर्ताहरु नारायणी नदी किनार पुगिसकेकाे साे विभागले जनाएको छ ।